gemyahly
عدد الرسائل : 156 العمر : 41 تاريخ التسجيل : 07/09/2008
| موضوع: رقم موبيل الريس الثلاثاء سبتمبر 16, 2008 1:51 pm | |
| أستأذنك في رقم الريس وسوف أشرح لك السبب وتسمع مكالمتي قبل أن أقولها لهألو السلام عليكم ياريسنامش هطول عليك بإختصار أنا الحمد لله بشتغل أنا وزوجي وعندنا ثلاث أولاد والحمد لله بس ياريس زوجي بقاله 22 سنه موظف حكومه ومرتبه لم يتعدي 700 وأنا مثله بس في قطاع خاص طبعا 1400 دول شايفهم كتير بس ياريس الأكثر منهم مصاريف الشهر عايزين نجيب عيش ب 7 جنيه في اليوم لأننا لم نستطيع الوقوف في الطوابير والله أخر مره كنت هموت خلاص وعايزين ندفع إيجار 300 جنيه في الشهر لأننا سمعنا كلام سيادتك ورحنا سكنا في المدن الجديده وطبعا أنت عارف الكهرباء فيها غاليه عشان الكهربه بالزباله وصدقني عندنا كل شئ بالزباله حتي العيش أستغفر الله وعايزين مواصلات لي ولزوجي كل يوم 14 يعني 7 جنيه لكل واحد ذهاب وعوده عشان بنعمل في قلب مصر الجديده وأبني الكبير محتاج كل يوم 6 جنيه مواصلات للمدرسه والله محرمه عليه أي رفاهيه ورافعه شعار لا رفاهيه غير للحكومه وطبعا أخواته لسه صغار مواصلتهم 100 في الشهر وناخد علي دمغنا الدروس لأن المدرسين موجودين لكن مغيبين الضمير وطبعا طبعا أحنا ما نتكلم في أكل ولافواكه كلها مبيدات أنا عارفه بتخصر الصحه ولا نجرأ لشراء اللبن الحليب بخمسه جنيه خلي العيال بهشاشة عظام بس خلي بالك ولادي ذكور مش هينفعوا بمليم لخدمة الوطن عشان صحتهم هتكون إتمسحت لحد ما يكبروا بحسبه بسيطه خد عندك364 مواصلاتي وزوجي للعمل + 210 خبز فقط في اليوم + 156 مواصلات أبني للمدرسه +100 مواصلات الصغار+ 300 إيجار+85 كهرباء ومياه وغاز = 1215 والباقي بنحوش منه طول السنه عشان الدروس وناكل ونشرب وممنوع أن أي حد يمرض ممنوع طلب ملابس جديده ممنوع أي رفاهيهمبسوط مننا ياريس أنا عيزاك تتبسط أوي عشان مش عايزه حقي في الدنيا خلينا نلتقي في أرض المحشر مش هتعرف تستخبي | |
|